Inicio 
Actualidad Académica Educación suspende mañá as clases nas provincias da Coruña e Lugo.
Actualidad Académica Educación suspende mañá as clases nas provincias da Coruña e Lugo. | Educación suspende mañá as clases nas provincias da Coruña e Lugo. |
|
|
| jueves, 22 de enero de 2009 | |
|
A Consellería de Educación e Ordenación Universitaria, ante a previsión dun episodio meteorolóxico adverso por vento en terra de nivel de alerta laranxa que afectará principalmente ás provincias de A Coruña e de Lugo, e como medida preventiva, decidiu pechar durante a xornada de mañá venres todos os centros de ensino non universitarios destas dúas provincias. Esta decisión está sendo comunicada aos 820 centros educativos pertencentes ás provincias de A Coruña e de Lugo, nos que estudan preto de 190.000 alumnos/as, e ás empresas que realizan o servizo de transporte escolar nestas dúas provincias. A decisión adoptouse despois das conversas mantidas entre a conselleira de Educación e os responsables das Consellerías de Presidencia, Administracións Públicas e Xustiza e de Medio Ambiente e Desenvolvemento Sostible. Segundo as previsións do Centro Meteorolóxico Territorial da Axencia Estatal de Meteoroloxía (AEMET), o vento será especialmente intenso a partir do mediodía, podendo acadar os 140 quilómetros por hora, nas provincias de A Coruña e Lugo. |